Corpus Enawenê-Nawê

EREKATI WEKA Hetati wadali hekiowana saili akoneta Mahia Erikiati tanali. Holinaneita wadali kawakanalina Erikiati daneta. Werototo, weroli holi owana onewini eya etoli ehi,weroli: Heya Hiyowa enaweti nowani, hanowaka onewini, "holita Weretotototo ... Nowita" - Haia nodani nowene nodane howana nodai Wadali. Erikiatineto "hotoso 0000 watatata Hoseee! ! ", horawenalo sewekwa, ewerakwane holise eyowa dane. Weretoto, weroli haniho heno aõkone. Seeesala edowata, maihia ikiawala. Kotayali Waha, - Koko kotayali hixo Kaliwa hane hedanowane konowere. hasetalikiwa aõkone, - Haia nodai notowaha nodanowene howana. "hotosooo ... seee"eyone dane aõkone haihio heno "seee" sala edowata, mahia tonane hekwali enawiti, holidewa enihio keraketakolaita. Dalawatali, tonotono waha. - Koko Dalawatali hixokoli Enawiti heyowa nowane koko Dalawatali, hanowaka hedanowane hokwatero. "holidewã toho ... toho ... nowita". - Haia nodai nodanowene howana hala henawenetowa. Kodanowene dowana. - Hatowaha dane takwadane ekatahe. Kawese kolihi kadeyane. "Xooo ... " dane eyone dane hanenakawa (tali ... tali ... tali) ere xasetene, erexa setene. - Hane nodai, newa eheye. Hõkotowane enowana holidewã, totowalaita eweseko tota eweseko xakolo ahete heye aloloirata, horahi heye aloloiratowa mao heye aloloiratowa. Awe wexana kaliyane Wadali erikiati atawa dewa.

HAKALIWANALI Holi kadene, heretikaliwa ahakahatama, naweta tikaliwa nadai, holidewã kadene kawakanali, hato denaha enowana kaliyane, hakaliwanali, holi kadene heretikaliwa, kaliwa ahakahatama tikaliwa nodai, ahakahatama Kaliwa, holidema kadene kawakanali, hato dena enowana kaliyane mahiata enawene wala ekiaõkone dane. Hatoitat ikaliwa ahakahatamah olita tikaliwa, holidema, akirekwalikenaned aneha enowana kaliyane, holidema aokotane dane kaliyane. Mahiata enawene wala aokotene dane kaliyane, yaliyali kera kakaseokohi kera yaliyali. Holi dane enowana enali, ehowaneoko heye atatakohena netali dane, eheye erako hohoko xewena holi, heyenekata atatakohina netali, yaliyali, holita hato derati ewalila ehi taneta, yaliyali tolikiowa noweta "he'e" holinaneta kadene. Hato kalo waha alolokwa. Kalo hetati, towada alolokwa exowa dane, ehowane dahako dane, holi tikialiwa kaliyane, "terete" edahakona eralako exowa, erali heyeta aotalixowana dane "hotototo ! ! ! ... " Erali talakoko nikiata exowa kaliwa tokwa dane exowa weso! ! ! Tiolati esekokoya tokowena, awaliwena. Kaliawanekata, awaliona naha, ehitali kaliwa, xala naha, halawanaha, ekinetakowakali matiolanena holita, hato kakireriali waha towane exowa towane enekione. KakeriNali towane exowa kaliyane, holi enekana eyokwa, enekana owakwa holidema, kakeririali horehalita haita totadewa, heyakera hatalotakera tiolati Kera keyakeyalih, oli kakwanekatae kaokowena, holidemae yadeokoli, taneta holidema kakerinalih orehalita, hata tota dewa, heyakera tiolati keyakeyalihek akwanekata ekaokatetowena, holidewa mahokwanereta, holidewa kakerinali mahia awalide, dehetah ato kalo mahokwanerelitao kwaha laka,e xowatamao kwaha dewa, awali kaxa wayowe holidewã. - Nolitama, newayakolie xowatamao kwaha holidemam ahokwaneretao kwaha. - Nakeotowetama nema yakoli detama holidewa kane kahorane, kahorane netali eyokwa dane eheye, holidewa kahoraneta holi hato akoyananexa kaliyane erokwakala nawexa kaliyane, okwaha hato kaloxa etiolane okoha, hato. Walotali xakadene, enekana kakwa erakatetowe, aokwatetewe, enekana ekenitako, maratiyali okwaha hata meolakowaka henewenekwa, exowa towane, hato walotali exowa towane. - Haita ekiaokwane newadewa towane yakoli, haita meolakowaka enekana kaheta ekiata enako, kaliyane eyone kaliyane "waita" aokone hahiyi kaliyane. Edohanane kakwa (aokwatakotowe, alolo asetowalixowe), hato eta kadene Mahanaha akote akoyakaha nane, kaliyane. Yolotali etalase eyowa/akoyaka. Tolise "etalase" ewexi eyowa/akoyaka. Hetiwanee rawalolakosee wexahoe yowa/akoyaka Kahenekasee neranetoe se eyowa/akoyaka Hawa eyanaho eyowa erosetata eyowa kali /akoyaka Yawaloweta enewada eyowa etowesera eyokali/akoyaka t,A,UQ Erekatiwane esesekalihe eyowa/akoyaka, eneraneto akosaho eyowa erekiati eyowa kali. Dowa wera eyowa/akoyaka. Kayawalio enokola ewese eyowa/akoyaka. Honotairo hakolo eyowa/ akoyoka Kolitosero ekolitosera eyowa/akoyaka Sasai dolaite eyowa /akoyaka. Anoi exewere eyowa/akoyaka. Hakaliwanali eyohalitaha holi akoyaka halitane holi.

HEKIATA MATÁLIOKASE KATATONERO EYOTA Esewehe eneto tewana (2x), holi etine enane eraokata. (lolate kaweteho) maihia alatahaliwala enane ekiata. Holidema hane hahekotaita mamana, holi dema tewakane hatase halatene heyane, awa ala hixo ehe, alakatali kaxata, holidema okotiwa horalita alinene. - Nowatolo hayaha katola wayokwa weyane, newa eheye. Holidewa dane, eneto akasenene. - Hinatolo okwa katola dayokwa deyane okwa maio, newa eheye. Towe haranekwa neta, olokwalikwaneta newa, katola wayokwa weyane nowatolo, newa eheye. Holidema kadene kasanalo terena hawakalota anakwa dane erenõwa. - Nowatolo newa eheye "Haooo ... ", newa eheye, nowa kena nato. Newa eheye, - nowatolo, newa eheye, "Haooo ... ", newa eheye, eskoyona ekakwa, olokwalikwa hoyakanekwata tanadane, tewakwa enoneta Mayalalokwa. - halakotanexikia nowatolo dane. Alakatita hata memawaka, hata Tewakwa enoneta nane, Yakera esewehe tewakwali, tewakwa enoneta mayalalokwa okakoha, katola ere Ayona, hawiyowalo enane ekiata, alakana. - " Erooo", Newa, "haoo ", newa katatonero akiowala tene, aline. - hayaha, newa eheye takwatowane enowana. Katatonero takwatowane enowana - noxi, newa eheye "waaa", Newaxa. Mahia enatolo wala, aserokwati ekiawala wayone, eyakalotinero nane Anaõli honakonase nane, halitotonero nane, halita etotone, holi kadene ekiaxexe etotone, etawane wekakala tanane, kotalanawe anakwa wexi aõkonel, sala erowataxa, kotala nawe. Holi kanene noxe, newa eheye, - Hayaha erako hedowa, newa eheye, hala yotasero halata nohiti, mayehiro nawe halatanohiti, kowali nawe halata nohiti, noxe, newaxa eheye. - Haia newa, hala ahe newã. Erowaxa towane enowana "toooo" erowaxa towane enowana, wayawalonene. - erako haliowa noxe, newa eheye. Wayowalonene etotone katahe waha. - erakose noxe, newa eheye - nototone katahewaha noxe erakose. Etiho wixe aõkwa sala edowa,hatamane nawe alana ehawaneta, kolohi nawe alana ehawaneta, haholisera nawe, hakaserohonola nawe alana ehawaneta. Akolatene, ekotene hadolatera ako aõkone dane ekakwa exowa dane, Anãoli tikialiwa adonexetine) - Neraneto ehe nowita erakaka, Anãoli edakaka, etalonako tokwita ohaxakolixa holi ako dola hotokota, kalo ehio akakasetitã holi, katatonero takwana towane, exowatowane xerese ahererakana eheye "xerere, xerere" nowakiona eheye, awitakene hakexe kakwa (2x) holi dewa xerese kexiti tawane ehe taneta, hakixe kakwa awitakene. - Enawene yama dexola, Dekanereta nahiti dokwa, nokatawanena anina xire nawe, Anãoli Daera kateneta takoli kateneta. "katola akota takoli". -Anãoli doninahalo kakwa nokatawanena, anena xere nawe. Hahotakola awakona, akasaliyakota enaeta erakexene, one eyowa dane, - Nokatawanena newatola ere enawenero, newala anakwa enowana, wayone, hoxikiwa wenena, "kookoo" eheta hekiwata ere hokwa heyane hokwa, nodonenihalo erenane. Akolitene hataikwa aõkone dane, noxe akolata katatonero hotakolako aõkone dane, noxe ehekwali ehe aõkwa dane enaeta. Hanena katatonero one kakwa, hanera owana enako "Too,Too,Toooo", hali waha "too,too,too" aholokwana nane "- tokolokoko, Tokolokoko" newaxa notawatawa, ahakana ekatahe awetotokwa "tokolokoko kooo" amerokwa dane, akekeranene, akekeranetene yakoli "tá, tá" newanetali "hotãaa" Newanetali. - Heketane newa, wayolatene, wayone, noxe keyaliokolina, "koooo" - detaxa notawane eyowa, ekiaõli nasali Kaliwa nane, Anaoli kaliwa eyone nane, dane enowana. - Noxe Anaõho hixola notawane heyowa ekiatiyali? Nowironenawe tawane heyowa, noxe anaho, nowirone tamanexekia nene, hayahaxa heyetene nowane. -Maihia, nodanãkotita lalaka, nakaxa dola nehotokota nane, eyaõkwa hetatire dolane nane, Ahekatato, kalohio nawe nakakasetita, eyaõkwa hetatire Dalone, ahe katato, maihia natowala keiro, keiro kaliwa eyone, newa eheye. Holidewa dane enowana. - Noxi, Kiro, Kiro hixola notawe hiyowa? - Maihia, newa eheye. Alitaxekia ekiata nato nane, Anaõli kaliwa eyone, newa eheye. Holidewa detama enowana. - Noxe hixotaxala hiyone noxe? - Maihia nowe, keiro, keiro kaliwa, nowitine. Detama enowana. - Maihiaxala hixotawala, Kalitakase hixo heyonexa okwanane, Anaõli okawanane, newa eheye. - Mihia natowala nowixekia, anaõli eyone. Detawa enowana, Anaõli owana. - Noxi newa heye, anakowetena enowana kaliyane kerikwali, hadeta eyowa exowa enako, ataho eyowa akewahinene "ya, ya, ya," akewahakota edanita, katekwana kaliyane. Holidewa waxalikwahi oneta maireta Katatonero. Holidewa exowa enowana kaliane, awinexe hayasetiya aõkwa eheye, kaliyane ekanasako tohikene ahetahaliowatene, hayasetiya kakwa awali, awetene adolokwalotowena, kaliyane, kasena eyakaliti hakolone ako kase - Alixalane nato. - hekiase, newa eheye. - Noweta hixo, hehowalo oneta, hiwane yama nane, haita hotako ako, erakexa hixo, holi nane, newa eheye. Wayowakata yakoli, sali ako, mahia hakolo ekiawala ... akwakana eheye, - Hekiaoli nanita nato, newa eheye, akalakakana enowana, hahekonawe akalakana enowana, aweta akalakakata enowana, eneraneto ehe tana kaliyane, eyakalotinero ehe tana kaliyene. - Haholokwa, newa eheye, hala soli herexowita hehowalokwa heye. Kohase eyowa dane enowana, aholokwahane, aholokwahana, aweta xexase nawe atera enaetanita. - awe xexase nawe hatera enaetaneta, hala hirexowi eheye, ewesekokota toyama howakene, newa eheye, herexowina eheye nani, holi kadene. - Hayaha ali, nowaka noholokali ahe, hayahala hayokone, newa eheye. - Halokata, newa eheye, wayokowakana. Mahia xexase tanali enaeta, -Tasa hewesekokota, newa eheye "sooo". -Atete, erexowina eheye, katatonero weseko akerakwata, axakolotene, Kayotakatina, horawaka, watatakwatinero mãolina, holi owana wayota, tokwita eheyeha, wayota enowana kadawena kahita, kadate kaheta, wayota enowana, wayota (2x) anakwa enowana, xexe eyowa, kadawena kaheta okwaha, erakoseneta atikene'1 hauuu". - Eyola kaxatola notawatawa, "tahado" akehetene. Holidema wehenese taihiaho taneta, katatonero hetaola menekwa wehenese kataihiakota. Holinaneta eyaõkwa kenekwana enowana, kawanerena enowana eyaõkwa kenekwana, enowana kahesena enowana, arakana enowanata, enowana kaliwa arakana eyaõkwa enowana, asotalitene enowana, horawaka, denaha ehese wesenawe" yererere" Kolata naha. Anaõli Wakanalita "yeyererere" dane yotatawe hese wesenawe, onekalihi esokate owana edowanaha dane. Hanena eyowaline, kanakanalaline Kolata takwa eheye - "Waaa?" Nodai newa eheye?

Akokwi watalia hiwatawatalia hohiya hiya

KOTATERAHORALI EXA ATAWENA H atowahawata exa atawetama nane etatiho. tasa aõlatowa tama okwa. exa atawena, kawinãli enowa haliowa okwa nane, alineta dena enowanane: Holi akawinã: - Koko halotawa kakwali hayaha hinowataha nato koko: Newa. One kawiwina hatiho, newa eheye asewane kayahi atokere. Hetati hanena wakiowaseta ekaline atamero kwakataline kaheita seike Atikwa towane enowanatola. Hixola Hakawexita nadai nokotã: - Newa eheye Mahia hixowala nakawexita nani. newa eheye: - kokoli nakawexita halotawa kakwali nakawexita newa eheye haya hinõwaotaha ~ koko one kawiwinãda hatiho koko Walawanere nowe naline. Kaliwa kayahiatokwere nowenawe hakone hokwa. Halani nowa eheye. - Naniha xayama hixo nane, natokwa xayama hixo nane nadai. Newa eheye xewa. Hanitama atali atokwere waha - Nadai natola hakawixita nodainokotã, newa eheye. Hixowala newa eheye hixowala nakawixita, kokoli nakawixita nane. Halotawa kakwali nakawixitanane. Hayaha hinowaota nato koko atali atokwere nowe taeko heheye. - Halani naniha yama hixo nane nadai. newa eheye deita ma Xooo ... 11 Mata lo Atokere waha takwa towane ... natola hakawixita nadai. Newa eheye. - mahia hixowala newa eheye, kokol i nakawixita nane nawe eheye, halotala kakwali nakawixita nane newa eheye, halane newa eheye naniha xayama hixo nadai natoka xayama hixo nani. Xewetama ekatahako "naka denaha Kanota atokwere waha. Hanitama atikwatana.Nodai newa eheye, - Natola hakawexita newa eheye, hixowala newa eheye, haita taeko Hayaha hinõwaotaha nato nowe tako heheye Kanota atokwere nowe heheye. Hatawaha xiwitama "Xooo ... " Hanetama Awaxa atokwere waha. "seike atikwatowane. - Natola hakawixita nadai. Newa ehiyi: hixowala nakawixita. - Kokoli nakawixita nane, newa eheye. halotawa kakwali nakawixitanane, newa eheye. - Nanehaxayamah ixo nane newa eheye.X ewetama. Exa Atokwere waha, 11Seike11 atikwa towane. - Natola hakawexita nodai, newa eheye, hixowala newa eheye, haitataeko hayaha hinõwatahan ato Exaa tokwere noweheheyea lotawa kakwali nakawixitanane,n ewa eheye, halane newa eheye, naneha xayama hixo nane nodai newa eheye. Hanitamah alotalakakwalAi lawanereh anena, "tawero seike". - Natola hakawixeta nodai?: .. Hixo nakawixita koko newa eheye, Hayaha hinõwaotaha nato kawiwinãdahatiho nowe nakawixeta hixo,hala newa eheye "hahaha ... " hala naolata hixo newa eheye. Salahei dowa ekotawirah ino tokwa. Yolatalimahah, oli ekalinae heye,h esekwataa wa aniha hixo, newa eheye. hesokwata hawita kwata awa aniha hixo. Aniha hixo ehi ekalinah ekiakwa.E tahiraseh anatad ane ekakwa,h ala anini ehi nane, awitakwa tawa okwaha masotanalwi ala okwaha, awitakwa erinõawaw alala! ! . Aokolikionõakata kahita, holidewa kalana heye takiowasehi enewe. Alawanere ewe kalana heye taneta. Mahiata katonere wala holi, holidewa kalana keweta,dotawa ehetaneta holinane hato kotatira horali hotakahi kali.

Okoyoli e Ayawanere Ayawanere etani Okoyoli, Ayawanere ameratahana holi owiro heye takwa, enewalo Lolahanero,Lolakate esokwate ayawane, holi Ayawanere heye awalo Lolahanero, holi nanita Ayawanere ehasakalone, Lolahanero tasawati wakoyoa holi, Lolahanero aikialatene: Hala enawenero xala nato laka, nexikere wayakanetali hanolokwahena tako Awa akotekase hetalase tana, lolahanero nato nane teta nane, Ayawanere aikwalatamane: Mahia xakaliwa, Awerata heye, awali xinakaha kakwa, holidema Lolahanero, hehe newa, awa waita hexota hetalase heyotitira natoweta waita noweta hetase, awa akotekase hetalase tana newa eheye. Hehe newa Ayawanere eheye, lolahanere heye, holi akoyona ekiakwa Ayawanere masemanere hatalase yakoli eyota heu,heu,heu mahia totaliwala etalase, owahakasena netali, holi Lolahanero otokowe eheye etine kaliyane taololi newa etalase, holi Lolahanero nowa eheye: haita kera nowe heheye, eheta masemanera kaxali hixo kali, Natoweta waita nowetene noheti nowekera heheye, hetalase etine hexowa lalohi hesakwa laka hehenesekwaneta hala hetalse hakolata enako, holidema lalahe sakwa lolate towa hatalase akolata enako, akolatene toheta hotaketikwa, mahia hakolako wala exowata towane eyaokwa honako exowata towane, holidema eyaokwa honako taetã, Ayawanere eraneto, exeneto kali enewaloha, Lololawa, Lololawalo, Waikwadawalo, Enodawalo, Axodawalo, Oherolawa, yaliyalisenero. Holi kadene atahana Ayawanere owana, holi owana hatalase alikiata akoyonane, hataha, akoyoa, hataha akoyoa kali, menaneta akoyakotane anolotitera hatalase, holi enetane kañakakena. Heheta heraneto kakwa ekiata nowa heye, hala nowa heye, holidewa enetani Okoyoli awalolotene wayone, hala newa enetane Okoyoli, kalitasenane newa, ekialata nane enowana newa, aotahanane xexase kewalixa, atahana enowa, holi Ayawanere asewene hatalase alikiatama yakoli enowana, holi noxe aokwa enaita, holi heno eyowe towane, holi henoneta erekosetene, saka! Wata! Newa. Honalowatako ataolo eraokwa, holi ereyali Ayawanere tekwa, onedayowa erowa dane, takwanaha towane, hetikwaneta atahanatama yakoli enowana, aheranatama yakoli, wayoakataha honalowatako, araokota, koo! Enetane erekone newaha, eyowane alatane dane, Ayawanere talase taolo alataha kolowali ehe tana. Enereyali onedayoa Ayawanere erowa dane, holi deñoa owiro nawe denatama, akowalanaha enowana holi owana tohetama, akoyonatama ekiakwaha, kaweyakenatama enetane heye akwalinatamane, hala newa enetane, enanetatala laka newa, awahanatamane dane, wayonatamane awalolonatamane, hala newa kalitakase nane newe enetane detama ahotahanatamane akwalana enowana owiro ehe aokowetama , holi owana yakoli Ayawanere hatalase alikiatawa, hoyakakota aokone erekotewane , awetaho etaolo aokwa enaetaha, tohenatama yakoli aheranatamane yakoli, haita enetane erekotamane, wayoakanha eholita hoxekota ataolo, holidema Lololawalo tekotã ereñoa Ayawanere deñoa, one kenekwadewatoa ehenokota toane Ayawanere towane haweñawali toli nakota erowatowane, holi deñoa eneraneto naha towaneha, haxineha emakayowa tekwanaha exeneto naha tikalita tekwaha ereñoa, holi deratiwa ewalila ehe taeta kasalila ehe taeta , holi ehola totokoli akasenene, hekiase nowayate hetonawe tekwanaha honeta heyerane kakwa, heyeta kakwa kali, holidewa kase kaliyane, dena hanetonawe deñoa, enotowata, waikwa edoata kali, hatiwaha dosako honohera kakwa atalala wenekwatoweha, holi dosako kadene, eneto dewatiro amoyo ahotali enaeta, holi heye takwala terene kali, holi enetonaha atahanane, eheta hohona nodene hali okoyo, mahia denawe dewa wala hetonawe tekoha honeta hali okoyo, eheta hehe edane herekotita kali, hamahokwanalotita hetonawe kali, holidewa hetonawe tekwaha honeta, holi enetonawe axikedowanaha enowa, holi ako daholosehe edawali heye. Holi eneto dewatiro eyaokwa eheyeta enowana, hawawali eyeta enowana, eyerane, derohi nawe kali, holidewa eyaokwa tanita, haita tekwakoha ekiakwa nane, holidewa derati wawañali ali tanita, enakeyoa Enodawalo tekwa ekiakwa nane, Holidewa maratihe eya enowana, hane Dokoweye tenehoko, ere kakwa waita nowawañalo heyota one kataheneta one alowala kataheneta, ahetese eya enowana, ere kakwa waita heyokwa aseotoa, hala hixowata heyane heto nawe ekwalali katahe newa heye, holi deñoa netokwati dewatiro awexenalota, holidema tekwaha enonita kaliyane. Okoyoli toheta mayanetowali toheta, tonowina dayowa ameratahana towane hayaneto hekwalo, hoxikia hetase alolokwa, alolokone hataxita wayowa enowana,mahia awe holi wala waliwenakase kahita, holidema eraketene one dayowa, alatamane, walakonero alolokwa kaliyane, mahiata herehere wala wayowa enowana, hayaneto hekokota alolokwa wayowa enowana kaliyane, hayaneto ehe eyotene, haneto nawe ekwalali katahi exoata dane ekakwaha hayeneto nawe hekwalo kakwa, holidema Okoyoli kayanetoweta walakonero kakwa, holidema kohase kahali wayateta, hane kadene eyakaliti ehe tana dane, holidema Ayawaliserikwa ehe tana. Lolawekwaene nato awe nowalikwali, haitala noñakani dasewa

Yanaloli Nihaka Ehatowinãha, enahe kakwa, eyãokwa detaixira ehe towenane, ehose ahe eyãokwa ehetanena, ewesekoholose Lolali ehe tana, exiwire kadene, hetire ehe tana, ekano kakanowiro ehe tana. Enatoli danakata manaiyowa anihiane, eyaõkwa dakaka eriyali anihiane hanetonawe heye akone, holi asema enalinali Kalaliyama asemene eyaõkwa honako exowa dane eneraka kakwa. - Kerali akotine ewayate Anaoli, tasawati aniha hawayate eyaõkwa, haini awena eyaõkwa hanetonawe heye Yanalloli, newali kakwa exowana dane, enaliali kalaliyama eyaõkwa honako Kalaliyama. _Haia newaha eheye, holidema eyaõkwa hawayate aniha yanaloli, holi menekoya takwa towane enatoli anaoli. - Halakota nowatoli daokwa anenanawe. - haita henatoli eyaõkwa aniha, Anaho, amameya akota eyaõkwa haneto nawe heye henatoli Anaho, holidema edetaita anine, henatoli Anaho, hala newa. - Heketala nowatoli aniha, nowatoli howali eheralaka noyeta eyaõkwa nowatoli owana, alawata nowatolli aniha nowe wala, noyita eyaõkwa nowatoli owana, enerolalo toli ehe noyita eyaõkwa nowatoli owana, kerali dakakali wala eyaõkwa, hatolane mahia nakwali nowatoli heye. Alikianane. - Anena nawe nowenoli herane deyowa nowani enani kehenawe nadonixa one kolisewinã kolohekoni deya deyone nowani, towaneha alaekiaxane. Akaranekwatowaha totata towanakoha - Wiya wiyone enowana newaha. Anaõli dena erinõha, Tiwaliwali kadene oloneti owase. Anaõli ixohikase akolata, dane erinõha, ehatenane dane hokwa hiyi, Tiwaliwali wayone tekwa, Anaõli ehatane ixohikase kamamani kase alatene, esokate ehe tana. - Heketani awena wexo oka, Anaõli deta manaiyowa, tiwaliwali dane erenõwaha. - dayaha tenekati ehatena wixo ixohikase kakwa. Holidema hoxakwanatã. - Tenekati ehatena wixo anena nawe. Tenekati ehatetã wixo hoka?, Tenekati dalikailatã wixo nani, enani kehenawe nalonixa, one kolisewinãkioni newa dalikatakati wixo nani. Tiwaliwali kakwa enõlinaha. - amaserakana maiha oloniti akwanixali dewa ekialina amaserana wixo, hamaraniya tekwa holidema maiha oloneti akwanixali. - Maiha nawaserakana wala tahane deyayone laka. Maihata akotewala teokaha, Anãoli tohetawa erinõha, kahesere ako ixowa hanena, "yirere" newalini holoti kakwa ekialini "hotõtõ" newalini, hatohaita aniha kakwanaha, awanewanita amehowalitane, menekwata totenaha. Anãoli hanatoli derixaka ekialina, totaha dane wayowinãha, menane anihakotane dane, owironawe waha aninã. -Tamiro nawe, wiya Anãoli wakalalowena. Holikiwanaha waha yakoli ekano katahe, hala malikwalita ehe yakoli, hakano katahenita anihane, holikadene, ekianawalotã owiro tekwa, tekwa ekano katahenitã, totenahaxa wayowiríaha dewa, tekoha yakoli, hanena erinõha, Yola heraokotã holi hiyi takoha towane, - Nokayanetonaxa hanatolo kakwalo kakwa. _Haia hekiatawaita haõka wixo hoka, wikaninãkena xikia, Anaõli xikia aninã wixo, anã, kinãli kaxata kaliyani, heketawaita hixana wehawanita hoka? -Alawaita nakahirotowana dehawanita, newa yakoli, hokatihi, asahi maiha tetalini hekinãli, xiwitãma. wetokalakohi waha watawatahi. - Nokayanetona xikia, newa heye. - Haia, newa, hekiatawata hixana wehawanitã hoka, wikiahowalina nani, eyaka nawe ololi nawe ohokakakwana wirinõwa nani, tahane hiyayone laka kiwini kaxata kaliyani, hala, hekiatawaita hixana wehawanitã, alawaita nakahirotowana dehawanita. "watai" newayakoli "tãnalahi" newanitali. - Maiha tetalini newa iheyi, wexiwitama xakane "wererere" newaliniha, Kolohe asekakotitã, weta, weta newita, - Ah!!! nokayanetona xikia maratiyalo kakwa hanatolo kakwalo kakwa nokayanetona, hala newa, - Hekiatawaita hixana wehawanita hoka? Alawaita nataoli kakwaita netolihali eyakanawe ololi nawe, dehita, neraneto wakoya enekoninã waita makamanero dexo, holi hiyi setoha kaliyani, halahakoha aokane, - Etakose deyane, newa eheyiha, nakena nani kiwinãli kaxata _Maiha waita erekakwaita waita, nerakixini nan,i awa waita dewarena. Hanena waikwiaseta aokone, aolotene kaliyani "waiiiiii, ... hotitootoo hoto olololooo" kaohanãli aokotene manãkota dane totata kera. ekinitãkoli,kahetã kahesere Kahitata maiha kerali, hatãlioko maini kali, holikadene hayaneto owa erixowata kaliyani, haitaxa eneraneto maini kalinani, akasekitene, kaohanãlinero ehe tanaha, akasekitene akalakanene enowanaha kaliyane, heyayowa ere awehowalina dexo, Anaõli akioli tahe, akote sewaliti manatahi kaheta akiolititahe, maiha waita dewaniro wala makamanero waita dexo, holi nanita akasekitene holidema eyakaliti tanetitira, hataola tamane ehe akasekitene, holidewa marita enoli nawe onita marita kaohanãli onita. Hodai halakwa kaohanãl